حد بيفهم فى i10 موديل 2010؟؟

عملت حادثة بالعربية .... ومحتاج اعرف اسعار قطع الغيار ومنين وياريت سمكرى و ميكانيكى كويس؟
1- اكصدام امامى بالشبكة والنيكل وفوانيس الشابوة او من غير والجلد كمان.
2- صدر امامى والفبر الامامى كله
3- كابوت
4- رفارف جانبية امامى
5- قربة مياة
6 - مساعد امامى وطنابير
7- مقصات امامى بالكوبلن والاسكترة
8- فوانيس امامى
9- كارتيرة

لو حد يعرف كتالوج الاجزاء ايه ؟ للجزء الامامى يبقى ساعدنى كتير اوى لان فى حاجات السمكرية مش عارفين ايه هى ولا حتى المكسور اسمه ايه
والتوكيل الله يخرب بيته عاوز كتيررررررررررررررر اوى لدرجة اكتر من 20 الف ... فحاولوا تساعدونى

ربنا يسهلها معاك وحد يساعد المشكله في الجديد قطع غياره غاليه بس ممكن التوكيل يعملك حصر لقطع الغيار اللي انت محتاجها وتشتريها من بره وتركبها

اقتباس:

---

المشاركة الأصلية كتبت بواسطة sonybony

ربنا يسهلها معاك وحد يساعد المشكله في الجديد قطع غياره غاليه بس ممكن التوكيل يعملك حصر لقطع الغيار اللي انت محتاجها وتشتريها من بره وتركبها

---

فعلا انت ممكن تروح التوكيل ويعملولك حصر بقطع الغيار وبعد الحصر قةلهم هفكر :F_eyeb1[1]: وامشي وروح لسمكري والمكانيكي بتاعك وعيش وبكده يبقي التوكيل ساعدك وهو مش حاسس واخيرا ربنا يستر عليك وحمداله علي سلامتك

الف سلامه
للاسف من عيوب ال i10 ندره قطع غيارها خارج التوكيل
و زي ما قالوا الزملا خلي التوكيل يعملك مقايسه و تحاول تلم قطع الغيار اللي تلاقيها و اي سمكري يشتغل فيها

مش عاوز اقولكم التوكيل عمل فيا ايه والقطع والمصنعية كام من الاخير ابيع العربية وى خلاص ...
انا رحت الحرفيين والتوفيقية وشارع دمشق .... وكانت رحلة غريبة بجد يا جماعة لان الاسعار متفاوتة اوى غير ان الاسعار عالية عن التوكيل فى بعض الاماكن ....
1- الاكصدام الامامى يايوانى 325 فى كل حاجة معادة النيكل
وفى اكصدام الامامى الصينى 375 فى كل حاجة ما عدا النيكل برضوا
الاكصدام الاصلى بالشبكة بالنيكل يوصل ما بين 750 لى 800
وكل قطعة تتفاوت الاسعار من واحد لواحد حتى ولو صينى ... وده من جورج حلمى والدقاق والوكيل
اما بقة الحرفيين انسى ياعم عشان فى ناس مش تمام ممكن توصلك الاكصدام فاضى لى 400 ج من غير شبكة ولا نيكل ولا طبات فوجات ولا اى حاجة وعاوز دهان وممكن فى شروخات .... ( وده سبك لانه مش استيراد ... نظام خلع )

وفى قطع من عربيات 2013 والاكصدام يوصل بكل حاجاته لى 2000 ج ومتقوليش ليه ؟
2- الصدر ده بقة عسل اوى .... عندك جزئين ياما 500 ويكون فى كسر خفيف ويعمله ويركبه وى خلاص ياما 800 ونظام خلع سيادتك ياما 1100 وتفاصل ومعاك ربنا
صدر اصلى توكيل 1600 ج اما التوفيقة بتبيعه 1700 ج ( ازاى مش عارف ؟؟؟ )
3- رادياتير .............. 1100 او 1200 استيراد 2013 وفاصل للصبح
4- مسترتين اكصدام امامى 65 او 75 ومش موجودة اساسا ... استيراد الاتنين 130 واكتر وهو عارف وانت عارف انهم مش موجودين اساسا ورحلة عذاب فى مين يضحك على مين ؟
5- صدادة امامى حديد 200 استيراد فى التوكيل اكتر لكن مش عارف كام بالظبط ( معرفتش اوصل للسعر بسبب الاحداث الجميلة اللى فى البلد )
6- قواعد الفوانين استيراد 150 ج استيراد وماسألتش على الجديد لانها مش موجودة ( نادرة )
7- فيبرة امامى بين الرادياتير و الصدر 100 ج استيراد
8- فبرة امامى ما بين الاكصدام والصدر من تحت 200 ج استيراد ( جديد ماعرفشى وملقتهاش اساسا )
9- فانوس امامى صينى 375 ( معفن ماتجبهوش ولو ببلاش حتى )
فانوس امامى تايوانى 450 ج ( نص معفن وجيبه عشان تظبط وش العربية وماتقلش ان الاضاءة مش اوى ... معلش معفن برضوا )
فانوس امامى توكيل اصلى 1600 ( حرامية و نصابين )
( خلى بالك فى فرام كاوتش بييجى معاه + الدواية اللى بتقفل الفانوس اوعى تنساهم )
10 - طبات امامى 25ج او 40 ج مش موجودة ولا استيراد ولا جديد ( ماتجبهاش بتتسرق من تحت بيتك )
11- مسامير مختلفة وفبرات ( هاتها استيراد نظام استهبال مع الحاجة اللى انت شاريها عشان غالية اوى وهتتعب عشان تلاقيها جديدة ومكلفة جدا جدا والتوكيل زى ما انت عارف هيشمتك )
12 - قواعد رادياتير 150 ج استيراد وفاصل جامد ممكن توصل لى 80 ج
لسة .............. لسة
سمكرة وتركيب ودهان ربع امامى 2000 وفاصل فاصل فاصل ...........

التكلفة الاخيرة اللى دفعتها :-(((((((((((((((((((((((((((( لحد دلوقتى 4500 + 3000 ميكانيكا

.................................. مبروك علينا الاعدام ...............................

ممكن تتصل بيا يوم الاثنين صباحا لو تحب وانا هاجيبلك اسعار كل حاجه عشان انا بتعامل مع تجار جمله لقطع الغيار الاصلى وبيدونى نسبة خصم تصل احيانا الى 35% الحمد لله
01210555631

معلش يا باشا و ربنا يعوض عليك
و ابقي خلينا معاك اول باول اهو نستفيد من تجربتك

و شرفنا هنا جروب الملاك و اعرض تجربتك ممكن حد ليه خبره يساعدك اكتر

https://www.facebook.com/groups/522382884519296/

اقتباس:

---

المشاركة الأصلية كتبت بواسطة aymaneid

مش عاوز اقولكم التوكيل عمل فيا ايه والقطع والمصنعية كام من الاخير ابيع العربية وى خلاص ...
انا رحت الحرفيين والتوفيقية وشارع دمشق .... وكانت رحلة غريبة بجد يا جماعة لان الاسعار متفاوتة اوى غير ان الاسعار عالية عن التوكيل فى بعض الاماكن ....
1- الاكصدام الامامى يايوانى 325 فى كل حاجة معادة النيكل
وفى اكصدام الامامى الصينى 375 فى كل حاجة ما عدا النيكل برضوا
الاكصدام الاصلى بالشبكة بالنيكل يوصل ما بين 750 لى 800
وكل قطعة تتفاوت الاسعار من واحد لواحد حتى ولو صينى ... وده من جورج حلمى والدقاق والوكيل
اما بقة الحرفيين انسى ياعم عشان فى ناس مش تمام ممكن توصلك الاكصدام فاضى لى 400 ج من غير شبكة ولا نيكل ولا طبات فوجات ولا اى حاجة وعاوز دهان وممكن فى شروخات .... ( وده سبك لانه مش استيراد ... نظام خلع )

وفى قطع من عربيات 2013 والاكصدام يوصل بكل حاجاته لى 2000 ج ومتقوليش ليه ؟
2- الصدر ده بقة عسل اوى .... عندك جزئين ياما 500 ويكون فى كسر خفيف ويعمله ويركبه وى خلاص ياما 800 ونظام خلع سيادتك ياما 1100 وتفاصل ومعاك ربنا
صدر اصلى توكيل 1600 ج اما التوفيقة بتبيعه 1700 ج ( ازاى مش عارف ؟؟؟ )
3- رادياتير .............. 1100 او 1200 استيراد 2013 وفاصل للصبح
4- مسترتين اكصدام امامى 65 او 75 ومش موجودة اساسا ... استيراد الاتنين 130 واكتر وهو عارف وانت عارف انهم مش موجودين اساسا ورحلة عذاب فى مين يضحك على مين ؟
5- صدادة امامى حديد 200 استيراد فى التوكيل اكتر لكن مش عارف كام بالظبط ( معرفتش اوصل للسعر بسبب الاحداث الجميلة اللى فى البلد )
6- قواعد الفوانين استيراد 150 ج استيراد وماسألتش على الجديد لانها مش موجودة ( نادرة )
7- فيبرة امامى بين الرادياتير و الصدر 100 ج استيراد
8- فبرة امامى ما بين الاكصدام والصدر من تحت 200 ج استيراد ( جديد ماعرفشى وملقتهاش اساسا )
9- فانوس امامى صينى 375 ( معفن ماتجبهوش ولو ببلاش حتى )
فانوس امامى تايوانى 450 ج ( نص معفن وجيبه عشان تظبط وش العربية وماتقلش ان الاضاءة مش اوى ... معلش معفن برضوا )
فانوس امامى توكيل اصلى 1600 ( حرامية و نصابين )
( خلى بالك فى فرام كاوتش بييجى معاه + الدواية اللى بتقفل الفانوس اوعى تنساهم )
10 - طبات امامى 25ج او 40 ج مش موجودة ولا استيراد ولا جديد ( ماتجبهاش بتتسرق من تحت بيتك )
11- مسامير مختلفة وفبرات ( هاتها استيراد نظام استهبال مع الحاجة اللى انت شاريها عشان غالية اوى وهتتعب عشان تلاقيها جديدة ومكلفة جدا جدا والتوكيل زى ما انت عارف هيشمتك )
12 - قواعد رادياتير 150 ج استيراد وفاصل جامد ممكن توصل لى 80 ج
لسة .............. لسة
سمكرة وتركيب ودهان ربع امامى 2000 وفاصل فاصل فاصل ...........

التكلفة الاخيرة اللى دفعتها :-(((((((((((((((((((((((((((( لحد دلوقتى 4500 + 3000 ميكانيكا

.................................. مبروك علينا الاعدام ...............................

---

ربنا معاك ده عذاب اللى انت فيه

الف حمد على سلامتك
بس ممكن نعرف اية ال حصل واسباب الحادثة

شكرا للجميع وعلى المساعدة
بالنسبة للحادثة للاسف اللى ساق العربية حب يتفزلك ويدخل حتة عكسى ويختصر الشارع ولكن كان فى واحد بنيسان تيدا اكثر فزلكة ماشى عكس الاتجاة فدخل فى العربية من عند العجلة اليمين ادام والعربيتن اتكسروا ولكن هو فى التامين فعملنا محضر وخلصت القصة على كدة ...
فالاول الميكانيكا كانت مهمة مع الزراجين وعملتها ومش هتتخيلوا ان الطنبورة اتغيرت ب 600 ج ومش قادر افهم اتعوجت ازاى عمرى ما شوفتها فى حادثة ؟؟ ممكن المساعد لكن طنبورة ... فعلا العربية ضعيفة جدا
نصيحة يا جماعة بالنسبة للناس اللى عندها عربية جيتا او كارينز عشان عندهم نفس العيب القاتل زى i10 وهى قاعدة الرادياتير فيبر وقريبة جدا للارض ولما العربية بتاخد مطب جامد الكسر بييجى فى القاعدة دى بسرعة غير الافيو واللانوس كلها حديد

صراحة هلم الموضوع بقدر الامكان وابيع ... لانه ببساطة انا معرض لنفس القصة من تانى لو دخلت فى مطب عبيط
وموضوع الفيبر الكتير ده حتى فى صدر العربية ملهوش لازمة ... التجربة دى علمتى لما اشترى عربية تانى احذر من الصناعة والامان والتركيب فى القصص دى جامد اوى ..........

شكرا للجميع

كان الله ف العون

اقتباس:

---

المشاركة الأصلية كتبت بواسطة كريم kok

فعلا انت ممكن تروح التوكيل ويعملولك حصر بقطع الغيار وبعد الحصر قةلهم هفكر :f_eyeb1[1]: وامشي وروح لسمكري والمكانيكي بتاعك وعيش وبكده يبقي التوكيل ساعدك وهو مش حاسس واخيرا ربنا يستر عليك وحمداله علي سلامتك

---

معلش..مهم جدا إني أقولك وما تضايقش مني..ان الكتابة الصحيحة حمد الله على السلامة..أرجو التعديل